باندم عليكي /بقلم عادل عبد الرازق

باندم عليكي

********

بقلمي / عادل عبد الرازق

----------------------

باندم عليكي ..

عاة دمعة كانت بين عينيكي

كدابة زيّك ..

خوّانة زيك ..

وزي رعشة إيديكي

...

أنا كنت فاكرك بيوت

وضلّ شجرة توت

لكن عواصف ضلالك

كسرتني جوّايا ف تابوت

واموت ويرفضني واديكي

باندم عليكي

على دمعة كانت بين عينيكي

كدابة زيك ..

خوانة زيك ..

وزي رعشة إيديكي

...

ضلّيت طريقي من البداية

ضلّيت سكوتك في الحكاية

واما ابتديتي تتكلمي ...

قولتي الوداع قولتي النهاية

وده كان نصيبي معاكي ..

إني أحبك .. وتكسريني

******************

بقلمي / عادل عبد الرازق

----------------------