الكأس كان / بقلم مليكة بوبراهيمي

زمان شربنا من نفس الكاس
محبة صادقة
و لمة مع شلا ناس...
الخير عام لمكان
الكاس كان ماه صافي
كل من شربو يحس
بإحساس... القناعة
لهنا و الأمان...
اليوم.... آااااااه على اليوم...!
الماء تخوض...
الكيسان بلار.... كريسطال....
على كل انواع...
زواق و منظر...
تتيه وانت تتأمل
سبحان الله... اللهطة و الخطفة
و النفاق ؤ زيد معهم الزواق...
آه يا زمان...
كنا اللمة نعيشو مجموعين
صغيرنا يسمع لكبيرنا
و حنا عايشين... فرحانين
لا خوف ولا رعب...
اليوم آش بقى... ؟
الصغير يرد الهضرة
ما بقينا نفرقو
بين رجل ولا امرا
الضحكة الصفرا
و حنا غاديين...
والله ما عارفين
حتى لين...و فين...
مليكة بوبراهيمي