غندورة / بقلم عروس النيل العنود محمد

🌷 غندورة 🌷

يا مرايتي .. أنتِ سليمة ..
و لا أنا .. اللي مكسورة ..
ليه فرحتي .. باهتة ..
و سكتي .. عاتمة ..
هو أنا .. الأصل ..
و لا دي صورة ..
كلميني ..
ريحيني ..
عدي بيا .. من الكحلة
و رجعيني .. منصورة
وقع مني .. كام ضحكة
تاهوا .. مني في الزحمة
و أنا اللي .. كنت فاكرة
نفسي ..
أستاذة .. و دكتورة ..
حسدوني .. على الفرحة
شدوني .. من الطرحة
فستاني .. دبلت وردته
و عمري .. ما كنت ..
مشكورة ..
عجبتهم .. الدمعة ..
و ماتت .. اللامعة ..
و عيني ..
بقت .. على الحزن ..
مجبورة ..
راح زمن .. العافية ..
و بقيت ..
لانا سامعة .. و لا شايفة
و قال أيه .. بيقولوا ..
غندورة ..

بقلمي

عروس النيل
العنود محمد