ماتزعليش / بقلم سماح ابراهيم شمعه
ماتزعليش
يا حبيبتى اسمعينى ماتزعليش
من الدنيا القاسيه ميهمكيش
ومهما غدرت متحزنيش
صحيح تعبنا كتير مع خلق
ف قسوة قلوبهم ملهمش مثيل
بس ربك ااقوى من كل كبير
ماتزعليش
عشان ملناش سند
ياقلبى انا وانتى بمليون ولد
ياما شيلنا وبنكمل رغم حزننا
الى مع كل فجر جوانا بيتولد
ماتزعليش
مهما الايام فرقتنا
اوالدنيا معاها غربتنا
ووحدتنا وسط البشر
خلى حزنك جوه القلب
اللى من كتر اهاته انكسر
وعاش يتيم وياما بات مهموم
وجواه الحلم ف سجنه اتاسر
ومن ياسه بالبراءه اتحسر
ياقلبى ماتزعليش
المكتوب هنهرب منه فين
خبى الدموع دى انزلت
هيمسحها لينا مين
دارى يا نصى إللى غايب
مش مكتوب لنا ف الفرح نايب
دارى يا عينى البكا
دا الخد من جرحه اشتكا
ضمى جرحك ويا جرحى
ومن الوجع ما تنوحيش
ميصعبش عليكى متتالميش
واسمعينى للياس متسلميش
ياتؤم روحى ومرايتى
يابير سرى لما أبوح
مهما طال البعد
مش محال تسعد بقربك الروح
يا غالية متزعليش
وللدنيا متامنيش
دا بعد ربك لينا مفيش
فامتزعليش
بقلمى سماح ابراهيم شمعه
تعليقات
إرسال تعليق