خطوة البط / بقلم رجب الشيمي..
خطوة البط
ماشي مستقيم على الخط
واول ما نط حط
عالحيط غربته
لفلف خيطه في كام شلة
ليشوفها قريب ولاخلة
حكى للخيال قصته
اخرتها اول من نهاية
زحفة كر بجبن راية
مصعب الليل
لما يغني ع الربابة
والحزن غابة
كوش الكآبة
تشد من انفاس الشاويش
لما كانت روحه خايفة ازاي تعيش
صعب يا الريمة تكوني
لئيمة ع الديابة
حام الشوف زاح الخوف
ف سجدة تلاوة
شال مصاريف
نحل تجاويف
صرخة رغيف
يلا نشكي للنيابة.
ونا اللي كومي كان مفيش
لبست خيش
خلصت جيش
رسموني وردة ف الخرابة
خيبةموجة بتدفن علي شط
من مية رتابة
حلم راكب ع السحابة
صرخة تطلع من اللبابة
في الكون تموت
ويوم يفوت عاشق سكوت
وناس ع التخوت
بتغني صبابة.
.رجب الشيمي..
تعليقات
إرسال تعليق