شبيهة دنيانا ـــــــــ بقلم ـــــــ د. صالح العطوان الحيالي
شبيهة دنيانا
ـــــــــــــــــــــــــــــــ د. صالح العطوان الحيالي -العراق- 21-3-2019
الفرح شال ما ندري لأي مكان
شبيهة دنيانا بعد ما ضل أمان
راحوا الطيبين بعد ما ضل حنان
لا صلة رحم لا حب لا حنان
راحت العجايز وراح الحب والحنان
والوكت صار للكذاب وابو اللسان
والحجاية الزينة ما مرغوبة
والنصيحة صارت مكروهة
ليش دنيانا أصبحت مكلوبة
وعيشتنا بحزن أصبحت مكتوبة
من مشوا من عدنا أصحاب الضمير
راحوا أهل الخير ماضل عدنا خير
سكتت الشياب واليحجي الزغير
هاي بالله عليكم بأي وكت محسوبة
قبل بالديوان نتعلم كلام
اليجي مسير نستقبله بكل احترام
وهسة بس فيكات ما يرد السلام
والأفكار بهالوكت متعوبة
كانت من بعيد ربعك يغنولك
ويفرح قلبك لصاحبك من يجيك
وهسة كام من الشقا يزعل عليك
وتعتذرله تكله بس هالنوبة
بالمشاغل خلصت سنين العمر
نطلع من الصبح ونرد العصر
الجار ما يدري بجارة بياكتر
من التعب راحتنا مسلوبة
ليش دنيانا أصبحت مكلوبة
تعليقات
إرسال تعليق