يوم طويل وحزين / بقلم ( محمـد عنانى )
يوم طويل وحزين
===========
عدا علينا يوم كان طويل وحزين
كله آهات ودموع كانت بِتملا العين
على ارواح ولادنا الأبريا الطاهرين
اللى بيشقوا ورا لقمه حلال رايحين
قَاصدينه باب الكريم سبحانه رب العالمين
رزقه فوق ف السما أو حتى تحت الطين
وف لحظه مات الأمل والسعى طول السنين
جِه خلاص القضا مكتوب ياناس ع الجبين
ومنه كيف نهرب ولا نروح على فين
مهما يكون السبب إهمال فساد أو مين
ومهما كتر الكلام ما يِرَجَع الغاليين
يارب دى حكمتك يا أرحم الراحمين
الرحمه والمغفره ليهم ليوم الدين
والصبر والسلوان لأسرهم الصابرين
===================
( محمـد عنانى )
تعليقات
إرسال تعليق