يا صاحب الحق / شعر ( محمـد عنانى )
يا صاحب الحق
===================
يا صاحب الحق إوعاك تكون بتخاف
لو كبلوا إيدك ولا سَقوك مُر الزعاف
أصل اللى شاف الظلم غير اللى عمره ماشاف
واللى داق الألم غير اللى عاش مرتاح
حتلاقى قلبه حزين كله آهات وجراح
غالب عليه الآسى ما شاف ف يوم أفراح
لو حتى كان الألم صعب ومش معقول
ما دام ف إيدك قلم ما تخافش إكتب وقول
بحروفك انت وكلامك و بالأصول حَتقول
عن حلمنا الكبير خاطب صحاب العقول
مهما تغيب الشمس ولا الليالى تطول
الظلم لازم ف يوم راح يتمحا ويزول
================
( محمـد عنانى )
تعليقات
إرسال تعليق