ألفين وهباب ..😢 بقلم الشاعر شريف بدوي
ألفين وهباب ..😢
سنة فاتت خسرنا كتير
حاجات ضاعت
مفيش أموال ترجعها
صحاب يمكن
حبايب قلب قول ممكن
ده كان ظني
حتى الظن قام لامني
حاجات محسوبة ع العِشرة
وإيه أحكي عن العِشرة ..!
ودمعي يسيل على خدي
وانا باتملى ف وشوشها
بتوحشني حاجات حلوة
بتحكيها يدوب صورة
يدوب ضحكة ساعات ذكرى
ولو أسمع كمان ليها صوتها
ساعتها بترجع الفرحة
ويرجع تاني قلبي حزين
على ناس كسَّروا الفرحة
على اللي ماقدروا العشرة
خلو الدنيا بقت وحشة
معادش باقي غير أوغاد
يتعدوا النضاف ع الإيد
فلما أشوفهم اتحسر
على الأيام على الأصحاب
على كل حاجة كات حلوة
يارتني فضلت هناك
من سنة فاتت
ولا شوفت اللي كانوا احباب
بتتغير ملامحهم
بتتبدل مشاعرهم
يارتني نزلت ف السكة
شريف بدوي ..✍ عن 2018 أتحدث
تعليقات
إرسال تعليق