( كبرت يامحمد ) بقلم الشاعر محمد غبن
( كبرت يامحمد )
ياااااه يامحمد كبرت
وشعر راسك شاب
إوعاك تكابر
وتقول أنا لسه والله شباب
ماشاء الله م الولاد
عندك محمود وعمر ومروان
ياسيدى ربنا يخلى
ويملوا عليك المكان
ويكونوا ليك العوض
من غلب وتعب الزمان
بس فعلا العمر بيعدى
وأهو كل شئ بأوآن
عارف الدنيا تملى
معانده ومصممه تهد الكيان
عموما أصبر يامحمد
دى ضريبه وكامله الأركان
أهم حاجه وإنت
ساجد تكتر فى دعاك
تلاقى حد بس يترحم
عليك وإنت بعيد عن دنياك
بقلمى /الشاعر محمد غبن
شاعر من نبض الحياه
31/10/2018
تعليقات
إرسال تعليق